RECOMENDACIÓNS DE CONVIVENCIA

Estes días atopámonos nunha situación nova e diferente para os nosos cativos e cativas. Non ir ao colexio, non facer as rutinas de todos os días pode nalgúns casos ver alterada a convivencia.

Por iso, propoñemos algunhas recomendacións para levar do mellor modo esta situación:

--Os nenos e nenas teñen que saber o que pasa. Para iso:

    Xestionar a información: evitar escoitar todo o día noticias sobre o Coronavirus. Non é necesario ter a televisión todo o día. Ollo! As fontes que manexemos, que sexan oficiais.

     Escoitar as opinións dos nenos e nenas da casa, as súas preocupacións e darlles respostas PERO SEN ALARMALOS. NÓS SOMOS OS QUE TEMOS QUE DARLLES PROTECCIÓN E SEGURIDADE.

--Manter viva a comunicación é esencial para a CONVIVENCIA:

         -favorecerase a flexibilidade e a escoita activa.

         -non comunicarse de maneira agresiva.

         -respectaremos os silencios.

         -evitaremos as comparacións.

--Organizar o espazo todos/as xuntos:

Con esta nova situación é necesario planificar e xestionar os tempos para non desencadear situacións conflitivas. Para iso:

      --Planificar as tarefas do día:

              ...A que hora nos imos levar?

              ...Horario de aseo persoal

               ...A que hora realizaremos as tarefas da clase?

               ...Realizar as tarefas da casa. OS CATIVOS E CATIVAS TAMÉN PODEN AXUDAR!

               ...Tempo de ocio e descanso, que pode ser en familia con xogos de mesa, puzzles de 1000 pezas que estaban sen acabar, películas en familia, escoitar música, bailar (por que non inventamos unha coreografía?)...

               ...NON esquecer o EXERCICIO FÍSICO (na casa): Todos/as xuntos pode ser moi divertido.

“A CREATIVIDADE É A INTELIXENCIA DIVERTÍNDOSE” (Albert. Einstein)

        --XESTIONAR OS ESPAZOS DA CASA

Ao pasar moito máis tempo xuntos/a nun mesmo espazo é aconsellable respectar as costumes dos que conviven na mesma, os seus horarios e os seus ESPAZOS. Será recomendable que cada un respecte o espazo privado de cada membro, que servirá para desconectar cando nos sintamos irritados. É necesario respectar este refuxio.

As NOVAS TECNOLOXÍAS vannos ser moi útiles para manternos conectados cos nosos familiares, amigos/as...Aínda así, é importante non caer en realizar tarefas pouco enriquecedoras e estar conectado/a continuamente: as redes sociais, aos videoxogos, mensaxería...

Esperemos que estas recomendacións sexan de axuda e para poñelas en práctica, deixámosvos unha proposta divertida: Arquivador personalizado de cartón que podedes seguir neste enlace: https://youtu.be/R3uLTAzNXdE (ou ben en YOUTUBE: “Archivadores personalizados de cartón. Ideas de reciclaje y manualidades con cartón”)

Recordade, DESFRUTADE DO TEMPO EN FAMILIA porque:

            O TEMPO QUE SE DESFRUTA É O VERDADEIRO TEMPO VIVIDO (J. Bucay)