Aprendendo sobre Banda Deseñada

O alumnado de 4º C estivo a traballar o cómic este trimestre  e queren compartir con vós os seus traballos. A actividade consistía en elaborar unha tira cómica a partir de algún chiste curto que coñecesen. Mañá  publicaremos outros poucos
A ver se vos gustan!

Autores :
                                                                         NOA

                                                                           LUCÍA

                                                                      MARÍA

                                                     

                                                                           MARTA

                                                                           

                                                                           ALONSO

                                                                          DANI M.

                                                                            ANTÍA

                                                                 

                                                                          CARLA

                                                                              BREIXO

Listaxe provisional de admitidos curso 2020-2021

Publicación das listaxes provisionais de admitidos no proceso de solicitude de admisión para o vindeiro curso escolar 2020-2021.

Tódolos solicitantes figuran como admitidos, polo tanto, cando sexa o prazo publicaremos as listaxes definitivas, pero ata que comece o período de formalización de matrícula ninguén ten que presentar ningún tipo de documentación.

Actividades de PROA

Tarefas de PROA desta semana para o alumnado de 3º, 4º, 5º e 6º.

Ficha matemáticas PROA

Ficha de matemáticas para o alumnado de PROA de 5º e 6º de Educación Primaria:

Fondo solidario de libros de texto

Hoxe sae publicada no DOG a Orde de 12 de maio pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020-2021.

No colexio a participación no fondo solidario de libros de texto está dirixida ao alumnado matriculado en 3º, 4º, 5º e 6º cursos de Educación Primaria. En 3º e 5º curso procederase á substitución de libros; e en 4º e 6º cursos manterase o préstamo de libros de anos anteriores.

Nesta mesma orde, convócanse as axudas para adquirir libros de texto: destinada a alumnado de 1º e 2 de Educación Primaria; alumnado con discapacidade igual ou superior ó 65 % ; e alumnado con necesidades específicas de apoio educativo.

Por último  o alumnado de Educación Primaria pode solicitar o vale para adquirir material escolar.

Documentación necesaria para tramitar a solicitude:

-          Solicitude (anexo I)

-          Comprobación dos membros computables da unidade familiar (anexo II)

-       Copia do libro de familia ou documento equivalente, onde figure o alumno e os demais membros computables da unidade familiar.

Para ser beneficiario do préstamo de libros é condición indispensable devolver os libros de préstamo deste curso escolar. (No vindeiro mes poñeremos as datas para a devolución dos libros de préstamo de 3º, 4º, 5º e 6º de Educación Primaria).

Presentación da solicitude:

-       Pode cada familia acceder á aplicación fondolibros onde se fai a solicitude. Unha vez feita a solicitude pode: presentarse por sede electrónica da xunta ou presentala de xeito presencial no centro.

- Cubrir a solicitude manualmente e presentala no centro educativo.

O prazo para presentar solicitudes abrangue desde o día 20 de maio ata o día 19 de xuño.

Tarefas PROA

Estas son as tarefas propostas para esta semana:

Ficha para 3º e 4º:




Ficha para 5º e 6º:

Pago de taxas de comedor

A partir do luns da vindeira semana podedes pasar polo colexio para recoller os impresos de pago de taxas de comedor correspondente ó mes de marzo, en horario de 09:30 a 14:30.

Debemos extremar as precaucións para evitar posibles contaxios, asi que pregamos respetar as medidas de seguridade.

Fin do curso escolar 2019-2020

O curso escolar 2019-2020 rematará sen volta ás aulas. Trala reunión mantida onte entre o Ministerio de Educación e as Comunidades Autónomas, decidiuse a volta voluntaria ás aulas para o alumnado que cursa o 2º curso de Bacharelato e o 2º curso de grao medio e superior.
Polo tanto o alumnado de Educación Infantil e Educación Primaria non volverá ó colexio durante o presente curso escolar.

Traballo de PROA 3º - 4º

Proposta de tarefas para o alumnado de 3º e 4º na semana do 11 ao 15 de maio.
Preme no enlace para descargar:  Ficha

Letras galegas

Como todas e todos sabedes, o día 17 de maio celebramos o Día das Letras Galegas, e isto é  un feito que  vén sucedendo dende o ano 1963. Debido ás especiais circunstancias que estamos a vivir actualmente, a Real Academia Galega, decidiu pospoñer dita celebración  ao día 31 de outubro. Por este motivo, as actividades que iamos facer para conmemorar esta data, realizarémolas para o curso que vén.

Este ano a figura homenaxeada é Ricardo Carvallo Calero e dende o equipo de normalización lingüística do colexio, queremos  aproveitar a oportunidade para achegarvos a esta importante figura  da nosa literatura.

 

Ricardo Carvalho Calero

O vindeiro 17 de Maio celebramos o día das Letras Galegas. Este ano está adicado ao escritor Ricardo Carvalho Calero . Fai  unha visita ao Blogue da Biblioteca, para poder saber máis sobre este autor e acceder a un xogo interactivo moi interesante !!👀 
 MISTERIO NA CASA DE CARVALHO CALERO

Adaptación das programacións

Seguindo as instruccións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico d0 2019/2020, nos centros docentes da Comunidade Autónoma de Galicia, debido á situación que estamos a vivir como consecuencia do coronavirus, os centros educativos temos a obriga de publicar as programacións adaptadas de cada nivel e materia.

Matrícula para o curso 2020-2021

No DOG do mércores 6 de maio de 2020 publícase a Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020.

No noso caso, modifícanse os prazos de matrícula para o vindeiro curso 2020-2021:

- Proceso de solicitude de admisión: desde o día 11 ata o 18 de maio.

- Publicación das listaxes provisionais do alumnado admitido e non admitido: día 8 de xuño de 2020. 

Poderanse realizar reclamacións contra as listaxes provisionais no prazo de 3 días hábiles contados desde o seguinte ao da súa publicación.

- Publicación das listaxes definitivas do alumnado admitido e non admitido: 25 de xuño de 2020.

- Formalización da matrícula ordinaria en educación infantil e educación primaria: do día 1 ao 10 de xullo de 2020.