Noraboa, Ana!

O CIM de Cee: premios concurso de carteis (preme)

O CIM – Centro de Información á Muller – de Cee acaba de dar a coñecer os autores dos carteis gañadores do VII Concurso de Carteis contra a Violencia de Xénero Xaneiro 2015 organizado en colaboración coa concellería de Presidencia, Benestar Social, Igualdade e Emprego con concello de Cee.

Na categoría maiores de 18 anos de idade, David Alonso Cambra resultou o gañador, cun premio de 100€, co cartel “Non quero ser a túa princesa”. Na categoría de 2º, 3º, 4º ESO e 1º, 2º de bacheralato, o cartel gañador foi o de Sheila Fidalgo Calo biaxo o título “Sisuka 97”, polo que recibirá un premio de 100€. Por último, na categoría de 4º,5º,6º de primaria e 1º da ESO a gañadora foi  Ana Fernández de Larrinoa Quintela co cartel “Non penses no teu pasado, pensa no teu futuro”. A gañadora recibirá un cheque por valor de 80€ co que poderá mercar material didáctico.Este concurso celebrouse para conmemorar o día internacional contra a Violencia de Xénero que ten lugar cada 25 de novembro.

Colaboración de Ferroatlántica

Boas novas para o CEIP Eugenio López, de Cee, que recibía esta mañá a visita do director da Zona Noroeste de Ferroatlántica, Carlos Oliete, para facer entrega de tres ordenadores co obxectivo de mellorar a dotación informática do colexio.

O acto contou coa presenza de Xosé Cañizo, director do centro, e de representantes do equipo directivo e da AMPA respectivamente. Segundo explicou Xosé Cañizo, a aula está a disposición de todos os alumnos do centro, un total de 406 estudantes de entre 3 e 11 anos, aínda que resultará especialmente útil aos alumnos de 6º de Primaria que, por primeira vez, contan este curso cunha materia de Iniciación á Informática.

Esta renovación de equipos permitirá mellorar notablemente o acceso dos alumnos a un material informático de calidade que redunde nunha mellor formación nesta materia.

La Voz de Galicia