“ Hora de Ler “ é o lema do programa para o fomento da lectura, que a Consellería de Educación botara a andar a comezos de 2006. 

Pero é tamén o lema escollido por moitos centros de ensino de Galicia para referirse a ese tempo dedicado á lectura nas aulas, que se vai estendendo por centros de infantil, primaria… institutos, onde o profesorado pon a imaxinación a andar para tratar de facer visible a biblioteca no espazo educativo e poñer en valor o libro e a lectura entre os máis novos.