22 de mar. de 2017

Oceanógrafos por un día

La Voz de Galicia.es/noticia/cee/
Este venres deu comezo a votación popular do concurso "La mar de ciencia" 
Tres nenas de 1º C son FINALISTAS cuns preciosos relatos que podedes LER e VOTAR na páxina web do concurso.
No seu blogue tamén podedes ler os relatos finalitas e axudarlles a conseguir converterse en  "Oceanógrafos por un día".

https://ospequesdesimonblogueanmogollon.wordpress.com/

.

17 de mar. de 2017

APÚNTATE!!!











Referente educativo na diversidade
Valoración da ANPA
  O alumnado
Juan Creus
Inauguracion
ANPAS e CFR

Xornadas
/

O Centro de Formación e Recursos (CEFORE) e a Federación de ANPAS Provincial-Costa da Morte a que prepara as II Xornadas de Atención á Diversidade.
Que pasa na costa
Como xa vimos no programa (enlace), estas xornadas teñen o lema “Vivimos na diversidade”, e servirán para concienciar a familias e profesores da importancia de naturalizar a diferencia. O obxectivo é claro: mellorar as prácticas educativas, atendendo á diversidade do alumnado.
As xornadas desenvolveranse os 24, 25 e 26 de marzo na Casa da Cultura de Cee e necesitan inscrición.
 APÚNTATE no IES AGRA DE RAÍCES http://www.edu.xunta.gal/centros/iesagraraices/

Programa

VENRES 24 DE MARZO
  • 17:45 a 18:00 Recollida de documentación e sinaturas.
  • 18:00 a 18:20 Apertura. Representantes de: CFR, ANPAS, concello, centros de ensino.
  • 18:20: Conferencia inaugural “Territorio e arquitectura vs repetición e diferenza”.   Por  Juan Creus
  • 19:00 a 19:10 Pausa
  • 19:10 a 21:00 “Estratexias para unha escola inclusiva.” Por Lidia Ma Gómez Boga. Mestra de Pedagoxía Terapéutica do CEIP Galán de Oseiro- Arteixo
SÁBADO 25 DE MARZO
  • 09:45 a 10:00 Recollida de sinaturas
  • 10:00 a 10:40 “Boas prácticas”: Por Manuel Maseda Deán, director do IES Maximino Romero de Lema, de Baio
  • 10:50 a 11:30 “Iutubers”. Por Rubén Neira Caridad profesor do CEIP “ Eugenio López” de Cee
  • 11:40 a 12:20 “De ti a ti” Por Virginia Rodríguez Ålvarez e María Luz de la Iglesia García, profesoras do IES Fin do Camiño, Fisterra
  • 12:20 a 12:40 Descanso café
  • 12:40 a 13:40 ” Cats (musical)”Por Patricia Urrutia Rodríguez, mestra de lingua inglesa e José Manuel Ponte Somoza, mestre de música en CPI A Picota, Mazaricos.
  • 14:00 a 16:30 Pausa para xantar
  • 16:45 a 18:45 “Cooperar para Aprender/ Aprender a Cooperar”: Por Carmen Vaz Dapía, asesora CFR de Vigo.
  • 18:45 a 19:00 Descanso para café
  • 19:00 a 21:00 “A xestión das emocións. A Educación Emocional”. Por María del Carmen Loureiro licenciada en Psicoloxía
  • 21:00 “Concerto”: Dude (Carballo)
DOMINGO 26 DE MARZO
  • 11:00 a 13:00 visita á Fundación Fernando Blanco: O Colexio-Instituto da Fundación e a Escola de Nenas desenvolveron unha singular experiencia pedagóxica, equiparable ós máis avanzados institutos do seu tempo. O seu programa combinaba unha educación humanista e cientifíca co ensino de materias prácticas necesarias para o desenvolvemento económico da comarca. Guía: Darío Areas Domínguez

Máis información


7 de mar. de 2017

Dona Inés Castro Pose


   Dona Inés Castro Pose foi maestra no noso Colexio. Xubilouse no ano 2007. 
   Sempre estará na nosa memoria e no noso corazón.

5 de mar. de 2017

Podes inscribirte xa

consulta o: PROGRAMA 

XA ESTÁ ABERTO O PRAZO PARA INSCRIBIRSE NAS XORNADAS "VIVIMOS NA DIVERSIDADE"

COMO INSCRIBIRSE NAIS, PAIS E OUTROS COLECTIVOS INTERESADOS?
Na páxina web do IES Agra de Raíces:http://www.edu.xunta.gal/centros/iesagraraices/... 
Na páxina web do IES Agra de Raíces:http://www.edu.xunta.gal/centros/iesagraraices/
Pinchando no cartaz das xornadas accédese ao formulario que hai que cubrir.

COMO INSCRIBIRSE O PROFESORADO?
Na páxina web da Consellería. Con só acceder a 
 https://www.edu.xunta.es/fprofe/ 
O profesorado pode anotarse tecleando o título ou poñendo o código no campo referencia.

Data límite 15 - 03 - 2017. Certificación de 12 horas de formación.
Referencia: C1602022
Centro de formación e recursos: A Coruña
Temporalización:  24/03/2017  -  26/03/2017 
Data límite de inscrición: 15/03/2017
Lugar: Cee        Prazas:  50 

HAI SERVIZO DE LUDOTECA para nenas e nenos ata 10 anos ( GRATUÍTO)
Para solicitar este servizo, hai que facelo a través da páxina Web do IES Agra de Raíces, cubrindo o
mesmo formulario que as familias (http://www.edu.xunta.gal/centros/iesagraraices/)

1 de feb. de 2017

Reserva, admisión e matrícula

RESERVA, ADMISIÓN E MATRÍCULA
CALENDARIO CURSO 2017-2018
Orde do 12 de marzo de 2013, pola que se desenvolve o procedemento para a admisión do alumnado (DOG nº 53, de 15 de marzo de 2013)
Para o vindeiro curso escolar 2017-2018, os prazos previstos nesta orde para a tramitación dos procedementos de admisión e de matrícula do alumnado, son os seguintes:
1.- Publicación de postos vacantes escolares: martes, 28 de febreiro.
2.- Presentación da solicitude de admisión (anexo II): do mércores, 1 de marzo ata o luns, 20 de marzo.
3.- Presentación da documentación acreditativa dos criterios de baremo: 10 días hábiles contados a partires dos 2 días seguintes ao remate do prazo para presentar as solicitudes de admisión.
4.- Publicación das listaxes provisionais de persoas admitidas e non admitidas: martes, 25 de abril.
5.- Publicación das listaxes definitivas de persoas admitidas e non admitidas: luns, 15 de maio.
6.- Formalización da matrícula en Educación Infantil e Primaria: do martes, 20 de xuño ata o venres, 30 de xuño.

28 de xan. de 2017

Intercomarcal de campo a través

Onte celebrouse en Outes, no parque Horta do Muíño, a proba correspondente á fase intercomarcal de campo a través, coa participación de 25 alumnos do colexio entre os que participan co cole e coa agrupación Olimpia.
A xornada estivo marcada pola persistente chuvia, que se ben non foi mui intensa, non parou en ningún momento da competición. Isto supuxo unha verdadeira dificultade para os atletas, porque o chan estaba completamente encharcado ó comezar e a medida que iban transcurrindo as carreiras, todo quedou completamente embarrado e os esvaróns e caídas sucedéronse. Foi o único negativo, porque de estar bo día o lugar era moi adecuado para practicar este deporte.
Comezaron competindo as nenas de categoría alevín feminino que percorreron 500 m. de distancia, onde corría Eire, de Olimpia, quedando clasificada xunto coas súas compañeiras no 2º posto por equipos.
A continuación foi o turno dos nenos da mesma categoría co mesmo percorrido, un equipo formado por Aimar, Álex, Mateo, Xabier e Yzan. Unha mala saída onde quedaron un pouco rezagados impediulles acadar mellores posicións porque nunha distancia tan curta (500 m.) e sen apenas recorrido recto resulta complicado escalar posicións. Ainda asi fixérono moi ben.
Na proba alevín feminino participaron Carla, co cole; e Antía, Aroa, Candela, Noa e Sonia, con Olimpia e percorreron unha distancia de 600 m.Todas fixeron moi boa carreira e neste caso as nenas de Olimpia quedaron clasificadas no 1º posto por equipos.
Despois foi o turno dos nenos alevíns e o equipo estaba formado por Antón, David, Iván Blanco, Iván Villar, Mauro e Xián. O percorrido foi de 800 m. e as condicións do terreo continuaban empeorando. Neste caso tamén o fixeron moi ben, quedando nos primeiros postos, e Iván Blanco, como 8º clasificado individual participará na proba provincial.
As últimas participantes do colexio foron as nenas do equipo infantil feminino formado por Nerea, Noa e Pamela, que percorreron tamén 800 m. As tres quedaron ben clasificadas, arredor do posto 20.
Nesta fase o nivel increméntase moito con respecto á fase comarcal, e aínda asi todos e todas as participantes o fixeron moi ben e puideron medir o seu nivel contra nenos doutros colexios e de clubes de atletismo. Polo tanto noraboa a todos e a todas.
No referente á nosa vila, había moitos participantes: de Olimpia, do colexio Manuela Rial e do noso colexio. E das tres entidades houbo algún clasificado, e de feito o clube Olimpia foi o que sobresaiu entre a totalidade de entidades participantes.